«Оқитын ұлт» жобасын жүзеге асыру аясында колледж директоры Казаков Анатолий Иванович ұжым мүшелерімен ақпараттық кездесу өткізді.

Кездесу барысында кітап оқуды насихаттауға және оқу мәдениетін арттыруға бағытталған жобаның мақсаты мен негізгі міндеттері таныстырылды. Қатысушылар білім алушылардың кітапқа деген қызығушылығын қалыптастырудағы, оқу сауаттылығын, сыни ойлау қабілетін және өздігінен білім алуға ұмтылысын дамытудағы педагогтердің рөлін талқылады.

Кездесу қорытындысы бойынша алдағы жұмыс бағыттары айқындалып, тақырыптық іс-шараларды ұйымдастыру жөнінде ұсыныстар айтылды. «Оқитын ұлт» жобасын жүзеге асыру колледжде белсенді кітап оқу ортасын қалыптастыруға және рухани-адамгершілік құндылықтарды нығайтуға ықпал етеді.